ملحوظة لكل الجماهير العريضة المنبهرة بعالم البرمجة وعايزة تبدأ فيه وتتعلم احب انصحك يا برو قبل ما تبدأ واعرفك الدنيا بتمشي كيف وازاي تتعلم صح وتمشي صح انت. اولا كدا احب اقولك انك اخترت مجال هو فعلا مستقبل الدنيا الي احنا ف احب اقولك زين ما اخترت وهو مربح وشغله مش صعب للي عايز يتعلم ويشتغل. ثانيا لو داخل المجال دا عشان تبقى روش وتهكر ناسا وجوجل والكلام الفاضي الي بشوفه كتير دا يبقى انصحك تعيد حساباتك من تاني عشان الكلام الفاضي الي انت متخيله دا والي بتكدب على نفسك بيه اقولك كان غيرك اشطر لان يعتبر حرفيا في عتاولة في المجال ميعرفوش يعملوا ربع الي انت بتتخيله دا لكن متقلقش مش هكسر سقف طموحك ولا هضيق عليك هو ممكن بس لو انت حرفيا متمكن في امن المعلومات بشكل جبار ولكن طالما انت عايز تبدأ يبقى تشيل من دماغك الفكرة دي خالص. ثالثا لو هتبدأ فعندك البرمجة الي بيبدأ فيها ب3 مجالات هم:- 1) برمجة الويب ودي برضو فيها مجالين هم أ- تصميم Front end : المجال دا هو من اسمه بيعمل شكل مواقع النت الي بتظهرلك لما تخش عليها من المتصفح والمجال دا ليه لغاته وهي HTML, CSS, JavaScript دول اهم لغاته ودول الي تبدأ بيهم لو عايز تصميم ويب. ب- تطوير ويب Back end : المجال دا هو كل حاجة بتحصل في مواقع النت الي مش بتشوفها يعني مثلا لما اجي اضغط على زر الصفحة الرئيسية الاقي المتصفح ينقلني على الصفحة الرئيسية دي وظيفة مطور الويب انه يعمل على ربط صفحات الموقع ببعضها ودا عن طريق لغة PHP او ممكن تستخدم بدالها Python لكن لغة PHP قديمة في المجال دا ومسيطرة عليه وعندك لغة Sql للتعامل مع قاعدة البيانات MySql ودا تطوير الويب. اما بقى في مجال ثالث الي هو Fullstack دا بالبلدي الي بيتعلم كل ما يخص الويب بيدرس تصميم وتطوير الاتنين. 2) برمجة تطبيقات الموبايل ودي مجالين برضو وهم:- أ- تطبيقات الاندرويد Android os : ودا عن طريق تعلم لغة Java او كبديل عنها لغة Kotlen دول منافسين لبعضهم في المجال وعندك مثلا لغة Dart وتقنيتها Flutter . ب- تطبيقات الاي او اس IOS os : ودا عن طريق لغة مثل swift . 3) برمجة برامج سطح المكتب ودا عن طريق لغات مثل #C او عن طريق لغة Python بمكتبتها Tkinter . وبكدا انت عرفت اهم المجالات الي ممكن تبدأ بيها ولغات البرمجة الي تتعلمها عشانها وفي مجالات تانية زي الامن المعلوماتي الي بيتقال عليه السيبراني وتحليل البيانات ومجال زي Big Data ومجالات تانية كتير بس ابدأ الاول بحاجة من الثلاثة الي فوق الاول. وكمصادر تعلم هتلاقي على يوتيوب مثلا:- -لمجال الويب عموما عندك قناة الزيرو ويب سكول ودي هتغنيك عن اي مصدر تاني للتعلم وشرحه بسيط وسهل ودا لينك قناته https://m.youtube.com/user/OsamaElzero -ومجال تطبيقات الموبايل دا لينك كورس ليه بلغة كوتلن Kotlen https://youtube.com/playlist?list=PLF8OvnCBlEY2w-zdVPozupapiKzLzpyUZ ودا كورس ليه بلغة جافا Java https://youtube.com/playlist?list=PLT7ALsacLavEN8xMKLlT_g5hOuqSaPZz0 -ومجال تطبيقات سطح المكتب بلغة Python مكتبة Tkinter https://youtube.com/playlist?list=PLSiLeKadTQ7nLJxpQo1-944miQKlheu-v ودا كورس بلغة #C https://youtube.com/playlist?list=PLDQ11FgmbqQM5_9yvfX5BedruJ3X1KJJj وعايز دعوة حلوة كدا ياريت وكان معاكم اخوكم احمد من مصر. #منقول.